إزاى فيس بوك بيعرف إنت بتفكر فى إيه،ده عنوان موضوعنا النهارده على موقع موبى زيد،فى العصور القديمه كان السحره والمشعوذين بيدعو إن عندهم القدره على قرائه الأفكار،يقف الساحر أمامك وينظر فى عينك ويقول إنت بتفكر فى إيه بل إنه ممكن يقولك اشياء محدش يعرفها عنك او أشياء خاصه ميعرفهاش الناس من حولك،وده غالبا الموضوع بيكون عباره عن ألعاب اشبه بخفه اليد وخدع ذهنيه وغيرها من الحيل إلى بتتعمل،إلا إن موضوع قرائه الأفكار رجع فى العصر الحديث ولكن عن طريق مجرد تطبيق صغير بتحمله على موبايلك وتسجل فيه وتسمحله بصلاحيات معينه يقدر من خلالها يعرف كل حاجه عنك،يقدر يعرف إنت بتحب إيه وإيه اللون إلى بتحبه وإيه الأكله الى بتحبها وإيه الأماكن إلى بتحب تروحها أو تزورها وتقعد فيها،ولو فيوم إحتجت حاجه معينه هاتلاقيه من نفسه بيعرضلك قدامك ويقلك إتفضل خد الحاجه إلى إنت عمال تدور عليها وكتير مننا مرو بالتجربه دى،ياترى دا إذاى بيحصل وهل الموضوع خطير ومقلق .
إزاى فيس بوك بيعرف أنا بفكر فى إيه ويظهرلى إعلان ؟
لو فمره كنت بتكلم حد من صحابك وإتفقتو هتروحو مكان معين أو مطعم أو نادى أو أى شئ وبنهايه المكالمه تتفاجئ إن الفيسبوك بيعرضلك إعلانات عن الحجات دى وعروض،وهنا يظهر السؤال إزاى الأبليكيشن عرف أنا عايز إيه،الموضوع ببساطه إن الأبليكيشن عرف الى إنت عايزه وعرضهولك لإنك إنت إلى قلتله على الحاجه الى إنت عايزها ومعظم التطبيقات الى بنستخدمها بشكل يومى عندها نظام خوارزمى عنده القدره على تحليل البيانات الى بيخدها ويحللها ويفهم عن طريقها إنت عايز إيه بالظبط وفيسبوك واحد من أكبر التطبيقات المتميزه فالموضوع ده والآليات الى فيسبوك بيقدر يقوم من خلالها بالعمليه دى معتمده على عده عوامل ومن أهم العوامل دى
- الرسايل الى بتكتبها فالشات وفالمحادثات الخاصه بيك يعنى فيسبوك عرف مثلا إنك عايز تروح سينما لإن ببساطه إنت كتبت لصاحبك إنك هتروح سينما فالشات أكتر من مره ولإن التطبيق متبرمج بشكل تلقائى إنو لو شاف كلمه مثيله للسينما أكتر من مره يقوم بشكل تلقائى يعرضلك الإعلانات الى فيها كلمه سينما
- ال لاف الى بتعملها على بوست أو الساد أو الأنجرى كلها حجات بيقدر فيسبوك من خلالها يعرف إنت بتحب إيه وبتكره إيه .
- التعليقات الخاصه بيك وتعليقات أصدقائك إلى موجودين عندك .
- فى حاله إن شخص هيقول أنا مبستخدمش الشات ولا بفتح حساب الفيسبوك أصلا إزاى بيعرف أقلك بسيطه من خلال ميكروفون الموبايل بيسمع الكلام إلى بتقوله كتير وبالتالى بيقدر يعرف إهتماماتك ويعرضلك الإعلانات وده عن طريق بعض الكلمات إلى بيعتبرها الفيس كلمات مفتاحيه بمجرد الأبليكيشن مبيسمعها يقدر يحدد انت عايز إيه.
- الصفحات الى إنت بتابعها وبتشوف منشوراتها بيقدر يعرف من خلالها ميولك والرغبات الخاصه بيك فمثلا لو متابع صفحات كوره كتير وبتتفاعل معاها يبقى إنت طبيعى شخص بتحب الكوره وبكده الفيسبوك يبدأ يعرضلك إعلانات خاصه بالكوره والرياضه.
- بالنسبه بقا للأشخاص إلى ملهمش تفاعل على بوستات أو مبيعلقوش وبيتفرجو بس فالموضوع ده مش هيمنع الفيسبوك إنه يعرف وده الأغرب لإن الفيسبوك بيعرف عن طريق الوقت إلى بتقضيه قدام البوست فمثلا لو إتعرض قدامك صوره خاصه بملابس ووقفت قدامها شويه تتفرج هايبدأ الفيسبوك يفهم ويعرضلك إعلانات ملابس والعكس صحيح لوعديت حاجه بسرعه بيفهم الفيسبوك إنك غير مهتم بيها .
فى حاله إنك مبتفتحش الأكونت ومبتكلمش حد ومبتبعتش رسايل لحد هيعرف إزاى ؟؟
والحقيقه مفيش مفر من الآليات السابق ذكرها يعنى التطبيق هيعرف هيعرف والكلام ده مش مؤامره ولا حاجه وفيسبوك مش مخبيه الكلام ده والموضوع معلن وهما قالولك كده بنفسهم وحضرتك وافقت وإما بتحمل اى أبليكيشن بيظهرلك نافذه بتطلب بعض الأذونات والغالبيه بتعملها موافق من غير متقرا إيه المكتوب من الأساس،وبكده نكون عرفنا أصل الموضوع بالتفصيل فلو مبتعملش أى عامل من العوامل الى ذكرناها فعن طريق ال جى بى إس الموجود فموبايلك بيعرف الأماكن المتواجد فيها ومكان شغلك والمحال الى بتقف تتفرج قدامها وبتدخلها وده من خلال المده الزمنيه الى بتقضيها فى كل مكان من دول .
بمكنك الإطلاع على ( وظائف العمليه الإداريه )