إيه الى هيحصل لو تناولنا شئ منتهى الصلاحيه،ده عنوان موضوعنا الى هنتكلم فيه النهارده عبر موقع موبى زيد،طبيعى لو مسكنا أى منتج بيتباع فى أى مكان هنلاقى مسجل عليه تاريخ الإنتاج فى شهر كذا والصلاحيه لمده كذا سواء بالشهور أو بالسنين،والحقيقه معظم الناس بيتعاملو مع تاريخ الصلاحيه بحذر شديد وده على حد إعتقاد البعض لو تناولنا منتج تاريخ صلاحيته إنتهت أو فى الأيام الأخيره فده هيسبب تسمم غذائى أو مشاكل صحيه،وعلشان كده بنشوف كميات مهوله من الاكلات والمعلبات الغذائيه بتلقى فالقمامه لأن اصحابها إشتبهو فى إنتهاء صلاحيتها.
إيه الى هيحصل لو تناولنا شئ منتهى الصلاحيه :
فى البدايه عايزين نفهم إيه المقصود بالصلاحيه وهى الفتره إلى بيكون خلالها المنتج سليم وصالح للإستعمال سواء كان منتج غذائى أو أى من المنتجات المصنعه ومده الصلاحيه بتبقا محدوده مابين تاريخ تصنيع وتاريخ إنتهاء وتتراوح مدد الصلاحيه بين المنتجات على حسب كل منتج،والصلاحيه بتختلف حسب طبيعه السلعه وتركيبها الكيميائى ونسبه المياه والعبوه الموجوده فيها.لو أكلنا طعام فاسد أو منتهى الصلاحيه : الإجابه ببساطه أنه ممكن يتسبب فى عواقب صحيه ممكن تصل للتسمم لإن الطعام الفاسد بيسبب مجموعه من الأعراض المؤلمه والتى تتضمن غثيان ومغص وحمى وغيرها من الأعراض وفى بعض الحالات ممكن يأثر عالجهاز العصبى.
- هل ده معناه إن أى منتج منتهى الصلاحيه ممكن يسبب المشاكل دى،خلينا نفرق الطعام لنوعين طعام منتهى الصلاحيه وطعام فاسد والفرق بينهم كبير فلو أكلت طعام فاسد هتصاب باأعراض مرضيه ممكن تكون خطيره وعلى غير المتوقع إن كل الأطعمه الى منتهى صلاحيتها أطعمه فاسده وغير صالحه للأكل وده لانها ممكن تكون سليمه وصالحه للأكل وتاريخ الصلاحيه ليس معناه إن المنتج هيفسد فالوقت ده بل معناها إن المنتج ده أصبح غير طازج ومش هيا دى الطريقه المثاليه لتقديمه يعنى المنتج مازال بحاله جيده لكن طعمه تغير قليلا او رائحته لكنه مازال سليم،فتاريخ الصلاحيه يدل على مدى جوده المنتج وليس مدى فساد المنتج وهى دائما جمله غير دقيقه وليست مؤشر صريح على سلامه الغذاء وده لأننا ممكن نلاقى على بعض المنتجات جمله غريبه شويه وهى يفضل استخدام ذلك المنتج حتى تاريخ كذا وكذا ومن خلال الجمله دى الشركه بتقلك ان المنتج هيكون فقمه جودته ولكن بعد هذه المده طعمه وريحته هيتغيرو وده مش معناه إنه أصبح فاسد بل سليم وقابل للإستخدام،وتاريخ الصلاحيه ممكن يكون مؤشر لأشياء أخرى مثل إن المنتج هيفقد بعض من قيمته الغذائيه زى الفيتامينات والمعادن .
- مسألتش نفسك يوم ليه اللحوم إلى فالسوبر ماركت أرخص من الى فمحلات الجزاره،ده مش علشان هى فاسده أو ماشابه كل ما فى الأمر إن التبريد لفتره طويله بيخلى اللحوم تفقد بعض قيمتها الغذائيه وبالتالى يقل سعرها،وكمان من مصلحه الشركات انها تصنع المنتجات بمده صلاحيه صغيره علشان تنتج كميات كبيره وتشتغل ديما،ملخص الموضوع ان المنتج منتهى الصلاحيه ليس معناه إنه فاسد بل إنه غير طازج وفقد بعض من قيمته الغذائيه،ده مش معناه إننا نستهلك المواد منتهيه الصلاحيه عادى لإنها بتختلف من منتج لمنتج فمثلا منتجات زى البيض والحليب ومنتجات الألبان والأسماك الأشياء دى مده صلاحيتها أيام معدوده وبتفسد سريعا فدول فمكان لوحدهم لكن باقى المواد زى المعلبات فدى ممكن تستخدمها بعد فتره إنتهاء الصلاحيه عادى وفيه مواد ملهاش صلاحيه من الأساس زى العسل وممكن تستخدمه بعد سنين عادى.
يمكنك الإطلاع على ( إزاى فيس بوك بيعرف إحنا بنفكر فى إيه )